La poesia è scritta interamente in siciliano e l’autrice è Maria Concetta Caliò.
Riceviamo e pubblichiamo la poesia di una nostra lettrice. Lo facciamo con grande piacere, ci è piaciuta e riguarda questo periodo di emergenza da Covid-19.
“Erumu tranquilli, felici e beati,
e soprattuttu sempri abbrazzati.
Ma a un certu puntu…
Arrivò COVID , e ora vu cuntu.
Unu ri tanti ionna,
assittati a tavula ca nonna,
sintemmu sta brutta notizia
chi ahimè… già era tardizia.
Partiu ra Cina, e nto nenti,
contagiau tuttu i continenti.
Cuminciò a siminari panicu
nta ogni città a ogni organicu.
Arrivau puru nto nostru stivali
e cuminciau a invadiri i spitali,
ma comu si non bastassi
non cia statu miricina cu sterminassi.
Si presenta arreri e porti
e lassa a scia ri morti.
A oggi, passaru misi da quarantena
ma ancora non ha finitu sta cantilena.
Intantu semu tutti a casa
e cercu ri fari a me fija persuasa…
– Stai tranquilla gioia mia, chi ca nostra allegria
a stu mostru u mannamu in agonia.
Travajunu di continu nfirmeri e duttura,
e di debellallu… non virunu l’ura.
A situazioni ancora è critica
chistu dinnu i tg e a politica.
Semu scantati pi nostri famiji
e soprattuttu vulemu u beni ri nostri fiji.
Stamu chiusi a casa fitti fitti
ma tanta genti si passa i so pititti,
non capisciunu a gravità ru mali
e continunu a nfittari i spitali.
No ni resta autru chi spittari
chi un vaccinu prestu si po truvari.
Intantu continuamu sta quarantena
priannu mi passa sta situazioni oscena.
E spiranzusi chi prestu finisci,
priamu tutti assemi affinchè l’Italia non fallisci.”
